Stichting Koerdische Rode Halve Maan - Nederland

Projeyên me

Proje ya alîkariya lezgîn

projelezginYek ji cihên ku Heyva Sor a Kurdistanê xebatê lê dike jî, bi lez û bi bandor alîkarî kirina ji kesên di encama afatên xwezayî û şer û cengên çekdarî de mexdûr bûne ye.

Heta roja îro komela me bi rêz

  • Ji însanên me yên di keresata lehî û erdheja li Kurdistanê(di sala 2006’an da li Amedê, Êlih, Şernex û Mêrdînê, her weha erdheja li Dep a Elezîzê, li Kanîreşa Çewlikê, li Gimgima Muşê) bû de mexdûr ketin re,
  • Ji gelê me yên li Şengalê ku komkujî bi ser de hat in re,
  • Malbatên me yên mexdûrên şer ên li Urdunê bi cih bûne, ku ji ber cenga li Kurdistanê tê meşandin koçber bûne re,
  • Malbatên rewşenbîrên me, yên dema ji bo mafên mirovan dikoşiyan li Rojhilatî Kurdistanê ketin ber zulmê û mexdûr bûn re,
  • Gelê me yê li gundê Qendîlê dijîn, yê ku Komara Tirka wan bombebaran dike re
  • Malbatên gundê Peyanis ên 9 kesên wan, di 16’ê Îlona 2010’an da, ji alî bombebaran kirina Komara Tirkan va hatin kuştin ra,
  • Ji însanên mexdûr ketin, ên di keresata lehî û erdheja hinek welatên cîhanê(di sala 2004’an da Tsunami ya ku bû sedema kuştina 300 hezar însan û erdheja Haiti û hwd.) re, bi rêya Xaçasor û UNICEF,
  • Ji malbatên însanên me yên li Roboskî hatin kuştin re,
  • Ji gelê me yên muhtac re, alîkariyên fitre, zikat û boraqên di heyvên Qurban û Remezanên de hatine berhev kirin,
  • 80 ton pakêtên alîkariyê ku amûrên xwarinê yên bingehîn têde, ji gelê me yên hewcedar ên Colemergê, Amedê û Wanê re,
  • Bi sedan ton kinc(cil) hatin berhev kirin û ji gelê me yê feqîr û muhtac ên tevaya Kurdistanê re, hatine şandin.
  • Ji bo erdheja ku di 23’ê Cotmehê de li Wanê rûda, hema bi lez saziyên alîkariyê yên Kurdistanî li hev civiyan; yên Almanya, İngilistan, Swisre, Hollanda, Belçika, Fransa, Heyva Sor a Kurdistan a Swêdê û Roja Sor a Kurdistanê ya Avusturya û Komala Sol a Mezopotamya ya Danimarkayê, bi hev re kampanya alîkariyê despê kirin. Di vê kampanyayê de 1.300.000 € û nêzî 150 ton kinc hate berhev kirin.
  • Alîkariya pereyî, bi giranî ji bo tenduristî, xwarin û bicîhbûn û hwd.hate xerc kirin.
    Berhevkirina me ya kincan gelek bû, lê mixabin encex me bi tenê dikaribû ji Almanya 3 TIR û ji Swisre jî 3 TIR(hemû 6 TIR) bişandina. Yê mayî, me nikaribû bigihanda welat, ji ber ku Dewleta Tirka, fermî ferman da û li pêşiya şandina alîkariyên me bû asteng. Me jî, ji naçarî kincê me kom kiribû me firot û pereyê wan şand.

Li gel kincan, ji Swisre 190 kon, gelek sobeyên elektrikê û personelê perwerdekirî ku dikare li herêma erdhejê bi zanistî bi xebite hate şandin. Ji Almanya jî 269 konên zivistanî hate şandin.

*Alîkariya bi dayîkên me yên xebata aştiyê dide meşandin ra tê kirin, her dewam dike.


Projeya piştgrî bî zîndaniyan ra

projezindanEm, di cîhanek e de ku rindî û ne rindî di nava hevde ye de dijîn. Yê ku qenciyê dike jî însan ê, yê ku xerabiyê dike jî insan e. Ji ber ku insan ne mukemel e, dikare şaştiya bike. Li cîhanê weke çawa însanê ji sedî sed rind nîne, her weha ji sedî sed însanê xerab jî nîne. Ji yên li derve dijîn re çawa nikare were gotin însanê mukemel, her weha ji yên li zîndana ne re jî gotina xerab şaş e. Li ser bingeha vê têgînê, ji ber çi sedemê dibe bila bibe li welat, li Evrupa an jî li kîderê dibe bila bibe, ji însanên me yên girtî re alîkarî, her dewam tê kirin.


Projeya xebata hevpar a bi sazî û dezgeyên hemaheng re

Heta roja îro, ji xebata di vî warî de hatiye kirin, encam nehatiye wergirtin. Belê li ser vê projeyê xebat dewam dike.
Heyva Sor a Kurdistanê ya Almanya yê; bi Kurde Rouge Crossant a li Fransa, Koerdiesche Rode Halve Maan a li Hollanda, Heyva Sor a Kurdistanê ya li Swisre, Kurdiska Röde Halvmanen a li Swedê, Roja Sor a Kurdistanê a li Avusturya, Koerdiche Rode Halve Maan a Belçika, Kurdish Red Moon, Stöttenforeningen Mesopotamians Sol a li Danimarka, CIBO ya Hollanda û AGAPA ya Swedê re, ku ji bo heman armancê hatine damezrandin, li ser hinek projeyan xebatên hevpar didin meşandin.


Di encamê de

zarok_tene-300x236Di jiyana însanan da, bi tenê pêşbirkek rast heye. Ew jî, pêşbirka ku ji bo însaniyetê tê kirin e. Em di vê pêşbirkê de dibêjin; cîhan welatê me yê, mirov xuşk û birayên me ne, kirina rindî û alîkariyê jî baweriya me ye.

Werin em hemî bi hev re beşdarî vê pêşbirkê bibin. Em jibîr nekin ku, pêkanîna bi tenê alîkariyek bi çûk jî, jiyanekê rizgar dike!